Jeremiah 13
Puan Kawnggak
1TOPA in kei tungah hong gen hih ahi hi: “Pai-in puan kawnggak khat lei-in na kawng gak inla, tui tawh kisawhkhasak kei in,” hong ci hi. 2Tua ciangin TOPA hong lamlah bangin puan kawnggak khat lei-in ka kawng ka gak hi. 3 Tua ciangin TOPA thu a nih veina kei tungah hong tunga: 4“Na kawnggak lei-in na kawng gak inla tu mahmah in Perath ▼▼13.4 Ahikeh Euphrates hi kha ding; tg.5-7 ah zong
ah pai-in tua lai-a suang heng sungah sel in,” hong ci hi. 5Tua ciangin Perath ah ka pai-a TOPA hong gensa bangin ka sel hi. b 6 Ni tampi nungin TOPA in kei tungah, “Tu mahmah in Perath ah pai inla tua lai-ah sel-a kong sawl kawnggak la in,” hong ci hi. 7Tua ciangin Perath ah ka pai-a kawnggak tokhia in ka selna mun pan ka lakhia hi, ahi hangin na kisia khina, a kizang thei kiuhkeuh kei hi. 8 Tua ciangin TOPA thu kei tungah hong tunga: 9TOPA gen hih ahi hi. “Tua tawh kibangin Judah kiphatsakna le Jerusalem kiphatsakluatna ka susia ding hi. 10Hih a gilo mite in ka thu ngai nuam lo uh a, amau lungtang khauhna zui-in a na semin a biak uh pasian dangte a zuite hih kawnggak tawh kibangin - kimanna a nei kiuhkeuh kei ding uh hi! 11Ahi hangin kawnggak pen mihing kawng kimkot ah a kigak bangin Israel innkuan bup le Judah innkuan bup ka mi ding, ka minthan nading, hong kiphat nading le hong kipahtawi nadingin ka kawnga ka gak ahi hi. Ahi hangin amaute in thu a ngai kei uh hi,” TOPA in cikhia hi. c Savun Zu-umte
12 “Amaute kiangah gen in: ‘Hih in Israel Pasian TOPA gen ahi hi: Savun- um peuhmah zu na dim ding hi,’ Tuateh amaute in, ‘Savun-um peuhmah zu dip ding kote in thei lo ka hi uh hiam,’ hong cih uh leh 13amaute kiangah, ‘TOPA gen hih ahi hi: Keimah in hih gama teng khempeuh le David tokhom a tu kumpite, siampite, kamsangte Jerusalem a teng khempeuh tawh zu ka khamsak ding hi. 14Khat le khat ka kisuzansak dinga pate le tapate zong a kibangin ka kisusak ding hi, TOPA in cikhia hi. Amaute hehpih lo, lainat lo, khuatuah loin ka susia ding hi, ci hi, ‘va ci un,” a ci hi. dSaltang dinga Tona
15 TOPA in gen khin ahi maninkisathei kei unla
za-in thusim un.
16 Note tungah khuamial hong tunsak ma,
khuamialna mualneute tungah
na kimuktuk ma-un
na Pasian uh TOPA min thangsak un. e
Khuavak na lamet uh hangin
amah in khuamial sahpi suaksakin
khuamial bikbekin a kheng hi.
17 Ahi hangin thu na ngaih kei uh leh f
na kiphatsakna uh hangin
ka kapsim dinga;
khitui luangin
kah cihtakin ka kap ding hi, g
bang hang hiam cih leh TOPA tuuhonte salin kikai ding hi. h
18 Kumpipa le kumpipa’ nu kiangah, i
“Na minthanna kumpi lukhute uh
na lutung panun kia ding ahi manin,
na kumpi tokhom panin tuakkhia un,” ci-in gen un.
19 Negev a khuapite kikhakcip dinga
kuamah in a hong kei ding hi.
Judah-te khempeuh salin kikai dinga, j
kipaipihmang kiuhkeuh ding hi.
20 Dakto unla
leilu-lam pana hong paite en dih un. k
Nang hong kipia tuuhonte, l
note kisaktheihpih tuute koi-ah om ta ahi hiam?
21 Nang kipawlpih dinga a tuam vilvela na koihte m
nang tungah TOPA in hong uksak ciangin bang gen ding na hi hiam?
Numei nausuak kuan bangin
na sa velval lo ding na hi hiam? n
22 “Bang hangin hici-in kei tungah hong tung hiam?”
ci-in na kingaihsut leh -
na mawhna tampite hangin
na niksing hong kibalkeksaka, o
na pumpi hong kibawlsia ahi hi.
23 Ethiopia-te ▼
▼13.23 Hebrew ah Cush-te (Nile kual saklam pana mi khat hi kha ding)
in a vun uh khek thei ahi hiam?Kamkei in agial khek thei ahi hiam?
Gitlohna-a zongsangsa note in zong
a hoih na bawl thei kei ding uh hi. q
24 Sehnel-gam huih in buhvai a mutleng bangin
keimah in note kong thehthang ding hi.
25 Hih in nangma tanh dinga
ka sehsa ahi hi; r
bang hang hiam cih leh kei nong mangngilh a, s
pasian maan lote na muang hi,”
TOPA in cikhia hi.
26 Na zahmawh a kimuh nadingin t
na niksing na maitang khuh dongin kong lemtohsak ding a —
27 na angkawmnate le huk lua-a
na tau huthutnate zummawh-a na kizuaknate a kidawkkhia ding hi.
Mualneute tung le lolaite ah,
a kihhuai-a na gamtatnate ka mu khin hi.
Jerusalem aw, gimna nak thuak na nicia!
Bangtan vei ninnin lai ding na hi hiam?” a ci hi. u
Copyright information for
ZomZIV